NVIDIA аз шарикони худ хост ҳамкорӣ бо муштариёни чинӣ дар бахши хизматрасониҳои абриро маҳдуд кунанд
Ширкати амрикоии NVIDIA, ки яке аз бузургтарин истеҳсолкунандагони микросхемаҳои компютерӣ дар ҷаҳон ба ҳисоб меравад, аз шарикони худ дар соҳаи хизматрасониҳои абрӣ ва марказҳои коркарди маълумот (Data Center) талаб кардааст, ки ҳамкорӣ бо муштариёни чинӣ маҳдуд карда шавад.
Тавре рӯзномаи Financial Times хабар медиҳад, ширкат аз шариконе, ки платформаҳои абрии онҳо аз микросхемаҳои истеҳсоли NVIDIA истифода мебаранд, талаб кардааст, ки на камтар аз 51 фоизи хизматрасониҳои худро ба ширкатҳои берун аз қаламрави Чин пешниҳод намоянд.
Ин маҳдудиятҳо танҳо ба шартномаҳои нави ҳамкорӣ дахл дошта, созишномаҳои қаблан басташударо фаро намегиранд.
Қаблан дар Конгресси ИМА масъалаи дастрасии ширкатҳои чинӣ ба микросхемаҳои пешрафтаи NVIDIA тавассути платформаҳои абрии кишварҳои дигар борҳо мавриди баррасӣ қарор гирифта буд.
Мақомоти амрикоӣ нигаронанд, ки ширкатҳои чинӣ бо истифода аз марказҳои коркарди маълумот ва хизматрасониҳои абрии хориҷӣ метавонанд, сарфи назар аз маҳдудиятҳои содиротии ИМА, ба технологияҳои пешрафтаи ҳисоббарорӣ дастрасӣ пайдо кунанд.
Ин иқдом дар пасманзари шиддат гирифтани рақобати технологӣ миёни ИМА ва Чин ва талошҳои Вашингтон барои маҳдуд кардани дастрасии Пекин ба технологияҳои пешрафтаи нимноқилӣ амалӣ мегардад.
Тегҳо
Инчунин хонед
Технология
Google ду системаи навро барои кор бо зеҳни сунъӣ муаррифӣ кард
Ширкати Google ду системаи нави ҳисоббарории TPU 8tx ва TPU 8i Max-ро муаррифӣ кард, ки барои коркарди маълумот ва иҷрои вазифаҳои мураккаби зеҳни сунъӣ пешбинӣ шудаанд, хабар медиҳад АИ «Navo».
Технология
Дар қисмати шарқии Душанбе зеристгоҳи нави барқии 220 кВ сохта мешавад
Бо мақсади таъмини боэътимоди неруи барқ дар шаҳри Душанбе ва шаҳру ноҳияҳои атрофи он, дар наздикии «Боғи Ғалаба» (ҷамоати Қиблаии ноҳияи Рӯдакӣ) санги асоси зеристгоҳи нави барқии 220/110/10 кВ гузошта шуд, хабар медиҳад хадамоти матбуоти Вазорати энергетика ва захираҳои оби Ҷумҳурии Тоҷикистон.
Технология
ИМА қоидаҳои танзими зеҳни сунъиро барои таҳиягарон шарҳ медиҳад
Ҳукумати федералии Иёлоти Муттаҳидаи Амрико дар давоми як-ду ҳафтаи наздик шарҳи қонунҳо ва талаботи меъёрии амалкунандаро, ки ба ширкатҳои амрикоии машғул ба таҳияи зеҳни сунъӣ (ЗС) дахл доранд, пешниҳод мекунад. Дар ин бора Reuters бо истинод ба намояндаи Пентагон Эмил Майкл хабар медиҳад.
Технология
Дар Хуҷанд қаиқи муҳаррикдори истеҳсоли Тоҷикистон муаррифӣ гардид
Дар ҷараёни сафари кории Президенти Ҷумҳурии Тоҷикистон Эмомалӣ Раҳмон ба вилояти Суғд сокини шаҳри Хуҷанд, ҳайкалтарош Мирзораҳим Қодирӣ, ба Сарвари давлат қаиқи нави муосири муҳаррикдори истеҳсоли худро тақдим намуд, хабар медиҳад хадамоти матбуоти раиси вилояти Суғд.
Технология
Неругоҳи нави барқи офтобӣ дар Исфара то 1000 хонаро бо неруи барқ таъмин мекунад
Дар шаҳраки Шӯроби шаҳри Исфараи вилояти Суғд лоиҳаи сохтмони неругоҳи барқи офтобӣ бо иқтидори 3 МВт амалӣ гардид. Корҳои сохтмону васлкуниро ҶСК «ТГЭМ» («Тоҷикгидроэлектромонтаж») дар доираи лоиҳаи рушди манбаъҳои барқароршавандаи энергия дар Тоҷикистон анҷом додааст. Дар ин бора ба АИ «Navo» аз ширкат хабар доданд.
Технология
Одил Дониш барои дипломатҳои тоҷик лексияи кушод баргузор намуд
Дар доираи сафари худ ба Ҷумҳурии Тоҷикистон абераи мутафаккири бузурги тоҷик Аҳмади Дониш, раиси ширкати Smart Villages Company ва раиси Шурои директорони Silicon WAHA, доктор Одил Дониш барои дипломатҳои Вазорати корҳои хориҷии Ҷумҳурии Тоҷикистон лексияи кушод баргузор намуд, хабар медиҳад Департаменти иттилооти Вазорати корҳои хориҷии кишвар.
