Созмони ҷаҳонии обуҳавошиносӣ аз боқӣ мондани ҳарорати ғайримуқаррарии баланди глобалӣ дар моҳҳои наздик ҳушдор дод
Созмони ҷаҳонии обуҳавошиносӣ (СҶО) аз боқӣ мондани ҳарорати ғайримуқаррарии баланди глобалӣ дар моҳҳои наздик ҳушдор додааст. Дар ин бора агентии Bloomberg бо истинод ба гузориши Созмони Милали Муттаҳид, ки дар ҳамоиши иқлимии COP31 дар Туркия пешниҳод гардид, хабар медиҳад.
Тибқи маълумоти обуҳавошиносон, рушди падидаи иқлимии Эл-Нинйо дар уқёнуси Ором боиси афзоиши иловагии ҳарорати миёнаи сайёра ба андозаи 0,1–0,2 дараҷаи Селсий хоҳад шуд. Дар натиҷа, давраи гармои фавқулода то охири соли ҷорӣ ва аввали соли 2027 идома меёбад.
Нишондиҳандаҳои ҳарорат дар давраи аз январ то сентябр аллакай аз сатҳи давраи тоиндустриалӣ 1,47 дараҷаи Селсий баландтар будаанд.
«Мо шиддат гирифтани падидаҳои обуҳавоиро мушоҳида мекунем ва Эл-Нинйо ба омиле табдил хоҳад ёфт, ки хатарҳоро чандин маротиба зиёд мекунад», — изҳор дошт дабири кулли Созмони ҷаҳонии обуҳавошиносӣ Селесте Сауло.
Ӯ ҳамчунин таъкид кард, ки равандҳои иқлимии соли 2026 ба ибораи «берун аз ҳад» маънои нав мебахшанд.
Хадамоти аврупоии тағйирёбии иқлим «Коперник» низ пешгӯӣ мекунад, ки ҳарорати глобалӣ нисбат ба давраи тоиндустриалӣ аз ҳадди 1,5 дараҷаи Селсий боло хоҳад рафт.
Коршиносони СММ таъкид мекунанд, ки ҳатто дар сурати иҷрои пурраи уҳдадориҳои миллии амалкунанда оид ба коҳиши партовҳои газҳои гулхонаӣ, ҳарорати сайёра дар асри ҷорӣ метавонад 2,6 дараҷаи Селсий боло равад. Дар ҳоле ки тибқи сенарияи хушбинона, афзоиши ҳарорат 1,8 дараҷаи Селсийро ташкил хоҳад дод.
Созмони ҷаҳонии обуҳавошиносӣ қаблан ҳушдор дода буд, ки авҷи падидаи Эл-Нинйо дар охири соли 2026 интизор меравад. Ин падида метавонад боиси обхезиҳо дар Африқои Шарқӣ, Иёлоти Муттаҳидаи Амрико ва Амрикои Ҷанубӣ, инчунин гармои ғайримуқаррарӣ, хушксолӣ ва сӯхторҳои ҷангал дар Африқои Ҷанубӣ, Осиёи Ҷанубу Шарқӣ ва минтақаи Амазонка гардад.
Тегҳо
Инчунин хонед
Экологияи
Дар мамнуъгоҳи давлатии «Зоркул» камераҳои худкор насб карда шуданд
Тибқи иттилои хадамоти матбуоти Кумитаи ҳифзи муҳити зист, дар мамнуъгоҳи давлатии «Зоркул» домҳои худкори камеравӣ насб карда шуданд, то ки назорати илмиро дар давраи зимистон беҳтар созанд.
Экологияи
Табиати Тоҷикистон зери фишор: шарҳи экологии СММ чиро нишон дод
Комиссияи иқтисодии Созмони Милали Муттаҳид барои Аврупо (ЕЭК ООН) 30 сентябри соли 2026 дар Душанбе шарҳи чоруми натиҷабахшии фаъолияти экологӣ дар Тоҷикистонро муаррифӣ кард. Ҳуҷҷат аз таҳдидҳои ҷиддӣ ба низомҳои табиии кишвар – аз таназзули чарогоҳҳо то тағйирёбии ҳолати пиряхҳо ва низоми об – хабар медиҳад. Дар баробари ин мушкилот, созмонҳои байналмилалӣ ба дастовардҳо, аз ҷумла васеъ шудани ҳудудҳои муҳофизатшаванда ва рушди қонунгузории экологӣ низ ишора мекунанд.
Экологияи
СММ аз афзоиши хатари гуруснагӣ дар ҷаҳон бар асари падидаи «Эл-Нинйо» ҳушдор медиҳад
Созмони Милали Муттаҳид (СММ) аз эҳтимоли шиддат гирифтани падидаи иқлимии «Эл-Нинйо», ки метавонад боиси хушксолӣ, обхезӣ ва гармои шадид дар минтақаҳои гуногуни ҷаҳон гардад, ҳушдор додааст.
Экологияи
Баррасии ҳамкории Тоҷикистон ва ЮНЕСКО дар соҳаи обу пиряхҳо
Дар Душанбе мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо иҷрокунандаи вазифаи муовини Директори генералии ЮНЕСКО оид ба илмҳои табиӣ Абу Амани баргузор гардид.
Экологияи
Президенти Академияи миллии илмҳои Тоҷикистон барои омӯзиши вазъи пиряхи Зарафшон боздид ба амал овард
Гурӯҳе аз олимон ва муҳаққиқон таҳти роҳбарии академик Қобилҷон Хушвахтзода, президенти Академияи миллии илмҳои Тоҷикистон (АМИТ), барои омӯзиши вазъи кунунӣ, равандҳои тағйирёбии пиряхҳо ва гузаронидани таҳқиқот аз пиряхи Зарафшон боздид намуданд. Ин боздид тибқи дастурҳои Президенти Тоҷикистон, Эмомалӣ Раҳмон ва дар доираи “Даҳсолаи амал барои илмҳои криосфера, 2025-2034” сурат гирифт.
Экологияи
Иштироки ҳайати Тоҷикистон дар ҷаласаи 44-уми UN-Water дар Рим
Ҳайати Ҷумҳурии Тоҷикистон санаи 1 октябр дар ҷаласаи 44-уми UN-Water дар шаҳри Рими Ҷумҳурии Италия иштирок намуд. Дар ҷаласа масъалаҳои марбут ба ҳамкории байналмилалӣ дар соҳаи об ва раванди омодагӣ ба чорабиниҳои байналмилалӣ оид ба захираҳои об баррасӣ гардиданд.
